Изге сараны З. Биишева исемендәге “Китап” нәшриәте ойошторҙо. Унда авторҙар, һуғыш һәм тыл ветерандары, әҫәр геройҙары, музей ҡунаҡтары һәм мәктәп уҡыусылары ҡатнашты.

Икенсе Донъя һуғышы кешелек тарихында иң ҡурҡынысы, иң аяуһыҙы булған. Совет халҡы бик имәнес көстө – фашизмды еңеп сыға алған. 1945 йылдың 9 майы Бөйөк Еңеү көнө һанала. Был дата бер кемде лә битараф ҡалдырмай. Һәр кеше беҙҙең өсөн, ғәзиз Ватаныбыҙ өсөн, тыныслыҡ өсөн көрәшеүселәрҙе белергә, мәңгелек хәтерҙе һаҡларға һәм ҡәҙерләргә тейеш. Бындай золом бүтән ҡабатланмаһын өсөн.

Сарала һуғыш ветераны, Башҡортостандың халыҡ яҙыусыһы Суфиян Поварисов, яҙыусылар Әмир Әминев, Сабир Шәрипов, Фәрит Вәхитов, шағирәләр Рәшиҙә БИК һәм Зөһрә Ҡотлогилдиналар сығыш яһаны. Ә сараға ошо китап геройҙары, бала саҡтары һуғыш йылдарына тура килгән инәйҙәрҙең саҡырылыуы тағы ла йәм өҫтәне. Зөһрә Ҡотлогилдина һәр береһенә китабын бүләк итте. Бит ташҡа баҫылған – мәңгелек…

Эйе, беҙҙең хәтер ҙә – мәңгелек!

Сығанаҡ: "Шоңҡар" журналы сайтынан.