"Хәтер юғалтҡыс мөхәббәт"
Мостай Кәрим исемендәге Милли йәштәр театрында Валентин Красногоров әҫәре буйынса "Хәтер юғалтҡыс мөхәббәт" исемле спектаклдең премьераһы булып үтте (режиссеры - Илнур Муллабаев, тәржемәсеһе - Зөһрә Бураҡаева).
Хәтер юйылыу ауырыуы менән интеккән ир ярҙам һорап табипҡа мөрәжәғәт итә. Табип бар хәленсә ярҙам итергә тырыша, әммә һөҙөмтә юҡ. Бәхеткә күрә, дауаханаға сирленең ҡатыны килә. Барыһы ла яйланып бара тигәндә, көтмәгәндә икенсе ҡатын килеп сыға һәм ул да ауырыуҙың ҡатыны булыуын белдерә... Етмәһә табип үҙе лә был сир менән ауырый, ахырыһы...
Спектакль бөгөн дә ҡабатлап күрһәтеләсәк. Рәхим итегеҙ!