2012 йылдың 11-18 ғинуарында БР Мәҙәниәт министрлығының «Башҡортостандың мәҙәни донъяһы» интернет-порталында «Нефтсе» мәҙәниәт һарайы ярҙaмы менән интернет-викторина үткәрелә. Унда портал менән файҙаланыусылар ҡатнаша ала. Уның маҡсаты – республика халҡының мәҙәниәт һәм сәнғәт өлкәһе менән ҡыҙыҡһыныуын арттырыу, йәмәғәтселек иғтибарын Башҡортостандың мәҙәни тормошона йәлеп итеү. Интернет-викторинала ҡатнашыусы 2012 йылдың 18 ғинуарынан да ҡалмай үҙе тураһында мәғлүмәт һәм викторина һорауҙарына яуаптарҙы интернет порталдың электрон адресына Этот адрес электронной почты защищён от спам-ботов. У вас должен быть включен JavaScript для просмотра. ебәрергә тейеш. Хатҡа «Викторина» тип билдә ҡуйырға онотмағыҙ. Һорауҙар барыһы өсөн дә бер төрлө буласаҡ. Викторинаның яуаптары балдар менән баһалана. Тест һорауҙарының дөрөҫ яуабы өсөн бирелгән балдар һаны тулы яуапҡа бәйле. Иң күп балл йыйыусы еңеүсе тип таныла. Йыйылған балдар тигеҙ булған осраҡта, викторина һорауҙарына тәүгеләрҙән булып яуап ебәреүсе еңеүсе буласаҡ. Интернет-викторина һөҙөмтәләре буйынса 1-се, 2-се һәм 3-сө урын алыусыларға «Нефтсе» мәҙәниәт һарайында үтәсәк сараларҙың береһенә ике кешелек саҡырыу билеты һәм иҫтәлекле диплом тапшырыласаҡ. Еңеүселәрҙе бүләкләү 2012 йылдың 23 ғинуарында «Башҡортостандың мәҙәни донъяһы» интернет-порталы редакцияһында ойошторола.

 «Башҡортостандың мәҙәни донъяһы» порталы