Төбәктәрҙә VII «Башҡортостандың иң яҡшы китапханасыһы» республика конкурсының зона туры бара. Унда 54 китапхана ҡатнаша. Еңеүселәр республика конкурсында көс һынау хоҡуғын аласаҡ. Бәйге шарттары буйынса китапхана хеҙмәткәрҙәре китапты киң йәмәғәтселеккә тәҡдим итеү буйынса инновацион проект әҙерләргә тейеш, унда партнерҙар – йәмәғәт ойошмалары, мәктәптәр һәм бала баҡсалары ҡатнашһа, тағы ла яҡшыраҡ була.

Конкурста өс номинация билдәләнгән. Улар — «Мәңгелек китаптар» (яҙыусылар һәм шағирҙар ижады буйынса мәҡәләләр, әсбаптар, китаптар тәҡдим итеү); «Уҡыған ил уңыр» (халыҡ менән эшләү формаларына бәйле проекттар тәҡдим итеү); «Барыһы ла уҡый» (китапханаларҙың популярлығын арттырыуға булышлыҡ иткән идеялар менән бүлешеү).

Башҡортостандың иң яҡшы китапханасылары исемдәре ноябрь аҙағында билдәләнә.