Балтика ауылында капиталь ремонттан һуң мәҙәниәт йорто ишеген асты.
Яңы шарттарҙың уңайлылығынан урындағы артистар ҡәнәғәт. Бында үҙешмәкәр ижади коллективтарҙың фестивале үтте. Райондан ситтә лә яҡшы билдәле «Сябры» белорус йыры халыҡ вокаль ансамбле, «Аҡ тирмә» һәм «Халыҡ байрамы» коллективтары сығышын тамашасылар, һәр ваҡыттағыса, йылы ҡаршылай. Әйтергә кәрәк, районда ете үҙешмәкәр коллектив «халыҡ» һәм «өлгөлө» тигән маҡтаулы исемен раҫлаған. Фестивалдә уларҙың барыһына ла һәләтен күрһәтергә мөмкинлек тыуасаҡ. Сара апрелгә тиклем үткәрелә. Фестиваль еңеүселәрҙең сағыу гала-концерты менән тамамлана. Сығанаҡ: Башҡортостан юлдаш телевидениеһы