II Халыҡ-ара «Көмөш Аҡбуҙат» милли һәм этник кино фестиваленең даирәһе киңәйә. Быйыл фестивалдә ҡатнашыу өсөн Рәсәй һәм сит төбәктәрҙән 256 эш ебәрелгән. Уларҙың 83-ө — документаль, 119-ы — уйын ҡыҫҡа метражлы һәм 54-е уйын тулы метражлы фильмдар. Фестиваль 9 декабрҙән 12-нә тиклем Өфөлә үтәсәк. Сараны Өфө ҡалаһы хакимиәте булышлығында Башҡортостан Хөкүмәте, Мәҙәниәт министрлығы, «Башҡортостан» киностудияһы ойоштора. Маҡсаты — донъя халыҡтарының рухи һәм мәҙәни ҡиммәттәрен пропагандалау, ошо йүнлеште яҡтыртҡан кинематографистарҙың ижадын билдәләү, Рәсәй төбәктәре һәм сит илдәр араһында мәҙәни алмашыуҙы үҫтереү, яңы исемдәр асыу.