Кисә, 7 декабрҙә, Башҡорт дәүләт опера һәм балет театрының Ҙур залында Башҡортостанда легендаға әйләнгән йырсы, Рәсәйҙең атҡаҙанған артисы, Башҡортостандың һәм Татарстандың халыҡ артисы Фәриҙә Ҡудашева һәм талантлы композитор, музыкант Бәхти Ғайсиндың иҫтәлегенә «Ике аҡҡош» республика музыкаль конкурс-фестиваленең Гала концертты үтте.
Фестивалдең бурыстары һәм маҡсаттары булып Фәриҙә Ҡудашева һәм Бәхти Ғайсиндың рухи мираҫын һаҡлап ҡалыу, музыкаль йыр ижадын пропагандалау, халыҡсан башҡарыу традицияларын һаҡлап ҡалыу һәм үҫтереү, милли йырҙарҙы башҡарыусы йәш таланттарҙы асыҡлау, толерантлы конфессия-ара һәм этник мөнәсәбәттәрҙе, халыҡтар дуҫлығын нығытыу торҙо.
Иҫегеҙгә төшөрәбеҙ, конкурс ике номинация буйынса үтте: вокал һәм баян. Беренсеһендә конкурста ҡатнашыусылар Фәриҙә Ҡудашеваның репертуарынан халыҡ йырҙарын йәки заманса музыка әҫәрҙәрен башҡарырға, икенсе номинация баянсы Бәхти Ғайсиндың һөнәри эшмәкәрлегенә арналған, музыканттар уның репертуарынан әҫәр башҡарырға тейеш ине.

«Ике аҡҡош» конкурс-фестивале ойоштороусылары — БР Мәҙәниәт министрлығы һәм Башҡортостандың Халыҡтар дуҫлығы йорто.

Фотогалереяға күсергә