Бөгөн Башҡорт опера һәм балет театрында Башҡортостандың халыҡ артисы, Илдар Абдразаҡовтың мәрхәмәтлек концерты үтәсәк.

Үҙенең Өфөләге беренсе тапҡыр сығыш яһаған концерт программаһына, йырсы танылған операларҙан ариялар һәм үҙенең шәхси репертуарынан алынған төрлө йырҙарҙы башҡарасаҡ. Концерттан йыйылған аҡса, «Мәрхәмәт» фондына тапшырыласаҡ. Йыйылған аҡса шулай уҡ «Йөрәк һыҙығы» программаны тормошҡа ашырыуға ҡулланыласаҡ.

Илдар Абдразаҡов 2011 йылда «Реквием» тигән альбомы өсөн музыка донъяһында иң престиж «Грэмми» премияһына лайыҡ булғайны. Был альбом ике номинацияла еңеп сыҡты. 

Илдарҙың төрлө конкурстарҙа, күп еңеүҙәргә өлгәшкәне беҙгә билдәле. Мариинский театрының солисы,  Илдар Абдразаков шулай уҡ 2012 йылда, халыҡ-ара «Oscar della lirica» конкурсында ла еңеүгә өлгәшкән. 

Ошо көндәрҙә уға «Башҡортостандың халыҡ артисы» тигән почетлы награданы Башҡортостан Президенты Р. Хәмитов тапшырҙы. 

Бөгөнгө концертта шулай уҡ йәш музыканттар, балалар ҡатнашыуы ла ҡаралған.