Сарала ҡатнашыусыларҙы билдәле яҙыусылар, шағирҙар, нәшер итеүселәр, ҡәләм оҫталары менән осрашыу көтә. Китапханаларҙың ябыҡ фондтарына экскурсиялар үткәрелә, һирәк осраған һәм боронғо китаптарҙан күргәҙмә ойошторола, конкурстар, китап йәрминкәләре уҙғарыла. Йәш китап һөйөүселәре лә иғтибарҙан ситтә ҡалмаясаҡ. Улар өсөн “Китапханалар эңере” тигән махсус проект үткәрелә.

Тәүге тапҡыр “Китапханалар төнө” акцияһы 2012 йылда ойошторолдо. Уҙған йыл ошондай сара илдең 78 төбәгендә, шул иҫәптән Башҡортостанда ла үтте. Ил буйынса акцияла 3 миллиондан ашыу кеше ҡатнашты.