«Етегән» башҡорт халыҡ йырҙары һәм легендалары мотивтары буйынса төшөрөлгән картина. Режиссеры – Айсыуаҡ Йомағолов, идея авторы, проект продюсеры, ҡуйыусы операторы – Рияз Исхаҡов.

Фильм 2013 йылдың сентябр айында Башҡортостандың хозур тәбиғәтле Әбйәлили районының Ташбулат ауылы һәм Яҡтыкүл янында төшөрөлгән. Унда 150 яҡын кеше йәлеп ителгән, шул иҫәптән Фәйзи Ғәскәров исемендәге халыҡ бейеүҙәре ансамбле һәм «Арғымаҡ» этно-рок төркөмө.

«Етегән» БР Президенты Гранты, шулай уҡ БР Мәҙәниәт министрлығы, Башҡортостан юлдаш телевидениеһы ярҙамында төшөрөлгән.