Әлегә тест режимында, әммә тиҙҙән уны тулы ҡеүәтенә файҙаланыу мөмкинлеге буласаҡ тигән фекерҙә системаны әҙерләүселәр. Башҡорт.орг адресы буйынса урынлашҡан эҙләү машинаһының авторы, программалар эшләүсе йәш белгес Илдар Кинйәбулатов Мәскәүҙә йәшәй.

Яңы система башҡорт текстары менән эшләү форсаты бирә. Уларҙы интернеттан таба, иң мөһиме башҡортса хәрефтәрҙе таный ала. Илдар Кинйәбулатов иһә башҡорт телен глобаль селтәргә яраҡлаштырыу буйынса етди аҙымдар яһаған һәләтле интернет белгесе. Уның башланғысында Айос һәм Андроид системалары өсөн башҡортса клавиатуралар эшләнде. Социаль селтәрҙәрҙең береһенең интерфейсы тәржемә ителде.