"Шоңҡар" журналы үҙ дуҫтары араһында даими рәүештә ҡыҙыҡлы конкурс-уйындар ойоштороп, еңеүселәрен бүләкләп тора. Әйтәйек, күптән түгел редакция хеҙмәткәрҙәре "Минең күршем" конкурсында үҙ күршеһе хаҡында яҙып еңеү яулаусыларҙы бүләкләп ҡайтһа, апрель аҙағында Сибайға барып ҡайтты. Был юлы иһә "Минең Рәми! II" шиғыр ятлау конкурсында беренсе урын яулаусы Зөлхизә Ғәликәеваға фотоаппарат бүләк иттек. Һәм бына, сираттағы конкурс. Уны ил буйлап матбуғат сараларына он-лайн режимда яҙҙырыусы ойошма-сайт Выпиши.ру ойоштора. Тимәк, дуҫтар, әгәр һеҙ "Шоңҡар"ға яҙылырға теләйһегеҙ икән, ошо хеҙмәт тәҡдим иткән мөмкинлектән файҙаланып iPad2 планшетына эйә була алаһығыҙ. Бары тик ҡатнашырға ғына ҡала.