Башҡорт халыҡ йырҙарын оҫта башҡарыусы йәш таланттарҙы табыу, халҡыбыҙ гәүһәрҙәрен һаҡлау һәм киләһе быуынға тапшырыу кеүек изге маҡсаттар ҡуйған конкурс Сибай ҡалаһында 22-24 май үтәсәк. Сараны БР Мәҙәниәт министрлығы, Республика халыҡ ижады үҙәге, Сибай ҡала хакимиәте ойоштора.

Йыр бәйгеһендә 16 йәштән алып 35 йәшкә тиклемге башҡарыусылар ҡатнаша ала. Конкурсанттар йырҙың тарихын белеүе мотлаҡ.

Конкурс сиктәрендә фольклорсы ғалимдар, халыҡ йырсылары менән осрашыуҙар үтәсәк. Жюри составында билдәле ғалимдар һәм сәнғәт оҫталары буласаҡ.