Иртәгә «Башҡорт шәле - 2014» Республика күргәҙмә-конкурсы үтә
6 декабрь Ҡала мәҙәниәт һарайында «Башҡорт шәле - 2014» Республика-күргәҙмә конкурсы үтә.
Сараны БР Мәҙәниәт министрлығы, Республика халыҡ ижады үҙәге, «Башҡортостан» телерадиокомпанияһы, Өфө ҡала хакимиәте ойоштора.
Күргәҙмәлә Ейәнсура, Көйөргәҙе, Күгәрсен, Ғафури, Миәкә, Стәрлебаш, Федоровка, Хәйбулла райондары оҫтабикәләренең шәлдәрекүргәҙмәне биҙәйәсәк.
Фестиваль барышында оҫталыҡ дәрестәре үтәсәк. Уны Башҡортостан Президенты Грантына лайыҡ булған Хәйбулла районының «Вәзәм» ҡул сәнғәте халыҡ клубы ҡатнашыусылары үткәрәсәк. Фестиваль барышында шәлдәр һатып алыу мөмкинселеге лә ҡаралған.
«Башҡорт шәле - 2014» конкурс программаһы:
12.00 – күргәҙмәне асыу тантанаһы.
12.00 - «Башҡорт шәлен етештереү» оҫталыҡ дәресе.
16.00 – еңеүселәрҙе бүләкләү.
