Сара Пьемонт провинцияһының Турин ҡалаһында ойошторолдо. Уның барышында Республиканың мәҙәни, иҡтисади, спорт һәм ижтимағи-сәйәси мөмкинлектәре тәҡдим ителде.

Пьемонт һәм Башҡортостан араһындағы хеҙмәттәшлек 2011 йылда башланды. Уҙған йыл Италия рәссамдары Өфөлә, ә Республика оҫталары Туринда күргәҙмәләр ойошторҙо.

Сара барышында Турин ҡалаһының Монкальери районы етәкселеге һәм Башҡортостан делегацияһының рәсми осрашыуы булды. Унда яҡтар араһындағы иҡтисади-сәйәси, мәҙәни, спорт бәйләнештәрҙе нығытыу тураһында һүҙ барҙы. Бынан тыш бизнес вәкилдәре сит ил эшҡыуарҙарын Республиканың инвестицион мөмкинлектәре менән таныштырҙы һәм сауҙа өлкәһендә хеҙмәттәшлекте үҫтерергә килеште.

Башҡортостан көндәренә яуап итеп, 2013 йылда Италия вәкилдәре Өфөгә килә.