Ҡаланы үҫтереү йәмғиәт фонды республиканың 7 йәштән 17 йәшкә тиклемге балаларына яҙҙы изге эштәрҙән башларға һәм «Баш ҡала республика балаларына бүләккә» тип аталған мәрхәмәтлек проектына ҡушылырға тәҡдим итә. Иң яҡшы файҙалы эштәр өсөн ҡатнашыусыларҙы төп бүләк – Өфө буйлап сәйәхәт көтә.

Был проектта ҡатнашыу өсөн төркөмдәргә берләшергә (15 кешегә тиклем) һәм Ҡаланы үҫтереү йәмғиәт фондына 25 мартҡа тиклем Этот адрес электронной почты защищён от спам-ботов. У вас должен быть включен JavaScript для просмотра. электрон адресына ғариза (Форма №1) ебәрергә кәрәк. 15 марттан 15 майға тиклем команда һәр йүнәлеш буйынса үҙҙәре йәшәгән төбәктә файҙалы эштәр башҡарырға тейеш. Проект сиктәрендә 4 йүнәлеш ҡаралған:

1) Экология һәм тыуған яҡты төҙөкләндереү. Конкурсанттарға үҙҙәре йәшәгән төбәктә ниндәй экологик проблемалар бар һәм уларҙы хәл итеү юлдары кеүек тикшеренеү эштәре алып барырға;

2) Беҙ сәләмәт тормош яҡлы. Үҙегеҙ йәшәгән ерҙә төрлө спорт уйындары ойоштороу;

3) Мәҙәниәт, биҙәү-ҡулланма сәнғәте. Тәрбиәүи маҡсаттар ҡуйған мәҙәни саралар үткәреү;

4) Өлкәндәр һәм балалар хаҡында хәстәрлек күреү. Мохтаждарға ҡулдан килгәнсе ярҙам итеү һәм ул проект тамамланғас та дауам ителеүен тәьмин итеү.

Башҡарылған эштәрҙе дөйөмләштереп, төркөм №2 һанлы формаға таянып отчет әҙерләргә (фотоларҙың булыуы мотлаҡ) һәм 2013 йылдың 20 майына тиклем Ҡаланы үҫтереү йәмғиәт фондына ебәрергә тейеш. 

Электрон адресы: Этот адрес электронной почты защищён от спам-ботов. У вас должен быть включен JavaScript для просмотра.

Автор: Юлиә Зәйҙуллина