Ошо көндәрҙә Х. Әхмәтов исемендәге БДФ хеҙмәткәрҙәрен бер ваҡиға аптырата. Билет кассаһына килгән хаҡлы ялдағы Евгений Малафеев “Мәрхәмәт” хәйриә белем биреү фонды тәрбиәләнеүселәре өсөн 9 абонемент һатып ала.
Баҡһаң, пенсионер “Балаға абонемент бүләк ит!”, тип аталған акция хаҡында БЮТ телевидениеһы аша ишеткән.
Евгений Дмитрий улы, үҙенең филармонияны яратыуын һәм уның тамашаларына йыш йөрөүен белдергән.
Һорауҙарға, “мин аҡсалы меценаттар, байҙар менән ярыша алмайым, әммә үҙ пенсиямдан 4000 аҡса бүлеп, бер нисә балаға шатлыҡ бүләк итә алам”, тигән ул.