- Сабир Шәриповтың әҫәрҙәренән тәбиғәт, тауҙар моңо, йәшәйәшебеҙ һәм ер һулышы бөркөлә һәм был әҫәрҙәр ғәжәйеп уҡымлы, уларҙа һәр кем үҙенә таныш һәм яҡын һыҙаттар күрә, сөнки әҙип халҡыбыҙ рухын, кешеләр күңелен тәрән тоя һәм уй-кисерешәтәрен ҙур әҙәби оҫталыҡ менән еткерә уҡыусыға, - тип билдәләне сығыш яһаусылар, шул иҫәптән кисәне асып ебәргән яҙыусы һәм педагог, әҙиптең курсташы Рәсимә Ураҡсина. Кисәлә Сабир Шәриповтың үҙе һәм студенттар уҡыуында уймаҡ хикәйәләре, төрлө әҫәрҙәренән өҙөктәр яңғыраны.

М.Ғафури исемендәге Башҡорт дәүләт академия драма театрында Сабир Нәғим улы менән осрашыу юғары кимәлдә уҙҙы һәм йылы тәъҫораттар ҡалдырҙы.