Иғтибар, М. Ғафури исемендәге БДАД театры интернет-бәйге иғлан итә!!!

М. Ғафури исемендәге БДАД театры барлыҡ театр һөйөүселәрҙе үҙенең 96-сы ижад миҙгелен асыу тантанаһына саҡыра.
Был матур сара 2 октябргә тәғәйенләнгән, театр коллективы ижад миҙгелен «Маҡтымһылыу, Әбләй һәм Ҡара юрға» (Т.Ғарипова, реж. О.Ханов) мюзиклы менән башлаясаҡ.
Ә уның алдынан был сараға эләгергә теләүселәрҙең ошо мюзиклға ике кешелек саҡырыу билеты отоу мөмкинлеге бар!
Конкурстың шарттары буйынса, теләгән һәр кем телгә алынған спектаклдә төп ролдәрҙе башҡарған Маҡтымһылыу (Ирада Фазлаева), Әбләй (Артур Ҡунаҡбаев) һәм Ҡара юрға (Руслан Хайсаров) менән фотоға төшөп, уларҙың шәхси ҡултамғаһын алып, популяр социаль селтәр - «Бәйләнештә» сайтындағы театрҙың махсус битенә һалырға тейеш. Актерҙарҙың өсөһө менән бергә, йәки айырым төшкән фотолар ҙа конкурсҡа ебәрелә ала.
Конкурс 30 сентябрҙә тамамлана.