Башҡортостанда мосолмандар өсөн яңы уҡыу әсбабы донъя күрҙе. «Имамға ярҙамға» тигән баҫма уҡыусыны ислам нигеҙҙәре менән таныштыра, бынан тыш унда төрлө дини сараларҙы ойоштороу тәртибе күрһәтелгән. «Ислам экстремизмға ҡаршы» акцияһы сиктәрендә баҫлып сыҡҡан китап Башҡортостанда дин эшмәкәрҙәренең белемлелеген үҫтереүгә йүнәлтелгән. Уҡыу әсбабы 1 мең даналыҡ тираж менән башҡорт һәм рус телдәрендә баҫылған.