Бөгөн билдәле йәмәғәт эшмәкәре Мәрйәм Бураҡаева үҙенең күркәм юбилейын билдәләй.

Мәрйәм Сабирйән ҡыҙы 1943 йылдың 27 мартында Ейәнсура районының Иҫәнғол ауылында тыуып үҫкән. 1965 йылда БДУ-ның филология факультетын тамамлай. Республика радио һәм телевидение эштәре комитетында, «Башҡортостан ҡыҙы» журналында, «Совет Башҡортостаны» гәзите редакцияларында эшләй, мәктәптә башҡорт теле һәм әҙәбиәтенән уҡыта.

Билдәле йәмәғәт эшмәкәре башҡорт мәктәптәре, балалар баҡсалары астырыуҙа әүҙем ҡатнашты. 1998–2001 й.й. «Аҡ тирмә» башҡорт мәҙәни үҙәге рәйесе вазифаһын үтәй, «Киске Өфө» гәзите редакцияһында эшләй.

Мәрйәм Бураҡаева тиҫтәнән ашыу китап һәм дәреслектәр авторы, Башҡортостандың атҡаҙанған мәҙәниәт хеҙмәткәре (1993), З.Биишева исемендәге премия лауреаты, РФ-ның дөйөм белем биреү мәктәптәренең почетлы хеҙмәткәре.