"Йүгер, Харис, йүгер..."
29 апрель Мәжит Ғафури исемендәге Башҡорт дәүләт академия драма театрында "Йүгер, Харис, йүгер..." (Э.Йәһүҙин әҫәре буйынса) комедияһының премьераһы үтә.
Бер саҡ Харис ҡатыны менән телевизор ҡарап ултыра, ә башында бер генә уй: нисек яйын табып һөйәркәһе янына барырға? Әмәлгә ҡалғандай телевизорҙан йүгереүҙең файҙаһы тураһында һөйләйҙәр. "Мин дә йүгерә башлайым", - ти ул эргәһендә ултырған ҡатынына. Күптән кәрәк ине, ти уныһы ла. Үҙҙәренең йортонда йәшәүсе берәүҙең йүгерә башлағас тәмәкеһен ташлағанын да иҫенә төшөрә ҡатын. Харис йәһәт кенә кроссовка менән спорт костюмын кейә лә "йүгерергә" сығып китә. Ә ҡатыны шатлығынан йөҙҙәрен ай һымаҡ балҡытып: "Башта әкренерәк кәрәк, бик ҡыҙыу тотонма", - тип ҡала. Шулай итеп иртән йүгерә-саба барып керә ул Фаинаның өйөнә. Ә Фаинаның ире әле генә командировкаға тип, аэропортҡа сығып киткән була. Тик, ай-һай, көнө боҙолоп тора, самолет осор микән?
Режиссеры - Алмас Әмиров;
Рәссамы - Альберт Нестеров;
Композиторы - Урал Иҙелбаев;
Ролдәрҙә:
Харис - Булатов Ирек Әлмир улы,
Ғарипов Фирғәт Рәмил улы;
Фидан - Ғәлимов Руслан Ирек улы,
Ҡунаҡбаев Артур Рауил улы;
Фаина - Рафиҡова Гөлфиә Булат ҡыҙы,
Ғәлина-Ғафарова Алһыу Вәнзир ҡыҙы.