Өфөнөң "Салют" балалар шифаханаһында республиканың төрлө ҡала-райондарынан килгән балалар өсөн махсус "Йәйләү" лагеры ойошторолдо. Белеүегеҙсә, "Йәйләү" лагеры яҙыусы Мәрйәм Бураҡаеваның халыҡ этнопедагогикаһына һәм йолаларына нигеҙләнгән программаһына ярашлы ун биш йыл ойошторола килә. Ошо ваҡыт эсендә "Йәйләү" башҡорт балаларының яратып ял иткән урынына әйләнде, ата-әсәләр тарафынан да яҡшы баһа алды. Мәғариф министрлығы йәйгеһен бер генә тапҡыр ойошторолған "Йәйләү"ҙе был юлы Өфөлә уҡыу йылы миҙгелендә лә ойоштороп һынап ҡарамаҡсы булып, "Салют" балалар шифаханаһына мөрәжәғәт итте. Шифахана еткәселеге тәҡдимде хуплап ҡаршы алды һәм йәйләүселәрҙе үҙ диуарҙарында ҡабул итте.

Сығанаҡ: "Киске Өфө" гәзите