Район-ҡалаларҙа «Урал батыр» эпосын яттан һөйләүселәрҙең Республика конкурсына әҙерлек бара. БР Мәғариф министрлығы һәм Бөтә донъя башҡорттары ҡоролтайы башҡарма комитеты ойошторған сараның беренсе туры февралдә башлана. Конкурстың маҡсаты – ҡобайыр башҡарыусылар мәктәбен тергеҙеү, сәсәндәрҙең оҫталығын арттырыу, башҡорт халҡының сәнғәтен һаҡлау. Унда Башҡортостан мәктәптәре һәм Рәсәй мәғариф учреждениелары уҡыусылары ҡатнаша ала. Беренсе этап 20 майға тиклем дауам итә. Еңеүселәр июндә үтәсәк республика конкурсына һайлап алына. Уҙған йылда Гран-приҙы Күмертау ҡалаһының политехник лицей-интернаты уҡыусыһы Инсаф Йәмилев яулағайны. Сығанаҡ: «Ашҡаҙар»