«Яңы Тәтешле» удмурт тарихи-мәҙәни үҙәгендә «Дуҫлыҡ күпере» тип аталған түңәрәк өҫтәл үтте, унда Башҡортостандың Тәтешле һәм Ҡалтасы райондарында йәшәгән удмурт йәштәре вәкилдәре ҡатнашты. Сарала ҡатнашыусылар республикала удмурт йәштәр берләшмәһен булдырыу мөмкинлектәрен тикшерҙе, уға исем дә уйлап тапҡандар — «Выль тулкым» («Яңы тулҡын»).

Бөгөн социаль селтәрҙәрҙә удмурт йәштәре төркөмө бар, көндән-көн унда ҡатнашыусылар һаны арта. Йәштәр аралаша, милли мәҙәниәтте һаҡлау буйынса тәжрибә уртаҡлаша, үҙ халҡының йолаларын өйрәнә.