Баш ҡалала Имен бала саҡ һәм ғаилә ҡиммәттәрен нығытыу йылына арналған «Йондоҙ иле» фортепиано сәнғәте фестиваль-конкурсы тамамланды.

Фестивалдә Татарстандан, Магнитогорск, Силәбе һәм башҡа ҡалаларҙан 7 йәштән 25 йәшкә тиклемге алты тиҫтәгә яҡын конкурсант ҡатнашты. Уларҙың 50-һе финалға үтте.

Ижади бәйгенән һуң еңеүселәр билдәләнде. Гран-приға Магнитогорск ҡалаһынан Дмитрий Трофимов лайыҡлы тип табылды. Ойоштороусылар әйтеүенсә, конкурста ҡатнашыусылар башлыса Моцарт, Шопен, Бах әҫәрҙәренә мөрәжәғәт иткән. Был юҡҡа түгел, йәш музыканттарҙы нәҡ ошо бөйөк ижадсылар илһамландыра.

«Башҡортостандың мәҙәни донъяһы» порталы