Өфө планетарийында - премьера. Бында «Ҡояшҡа сәйәхәт» тип исемләнгән өр-яңы программа менән танышырға мөмкин.

«Ҡояшҡа сәйәхәт» программаһы әлеге ваҡытта донъяның 30 илендә күрһәтелә, шул иҫәптән Рәсәйҙә. Тамаша астрономияны өйрәнгән кешеләр өсөн ҡыҙыҡлы. Йыһанда ҡояштан да сағыуыраҡ балҡыған йондоҙҙар исеме, ҡош юлының барлыҡҡа килеүе, астероидтар хәрәкәте һәм башҡа күренештәрҙе күҙәтергә була. Үҙенсәлекле программа «Европа Йыһан» агентлығы һәм донъяның бик күп планетарийҙары менән берлектә тормошҡа ашырыла.