20 декабрҙә Башҡорт дәүләт филармонияһының ҙур залында Башҡортостандың атҡаҙанған артистары Лилиә Ишемйәрова менән Урал Мортазин, «Йыл арынан йылдар ағыла…», (Яңы йыл программаһы) исемле юмористик тамаша тәҡдим итә.
Лилиә Ишемйәрова менән Урал Мортазин Х.Әхмәтов исемендәге Башҡорт дәүләт филармонияһы артистары, уның эшмәкәрлеге, ижади үҫеше өсөн күп көс түгәләр, хәҙер инде үҙ фекере, үҙ тамашасылары булған, халыҡ һөйөүен яулаған, танылған артистар.
Мажаралы Яңы йыл байрам программаһында Радик Ғабдуллин, Заһир Иҫәнсурин, Әлиә Нурғәлиева, Лилиә Хәзиғәлиева, Илшат Салауатов, Фәриҙә Ишемйәрова, Эльмира Юлдашева, Рэм Гәрәев, Редик Фәсхетдинов, Фаяз Йәнтүрин һәм филармонияның Эстрада –джаз оркестры ҡатнаша. Шулай уҡ Ҡыш бабай менән Ҡарһылыуҙың да килеүҙәре көтөлә. Программаның режиссеры - Салауат Итбаев. Байрам концерты 19 сәғәттә башлана.
Яңы йылды бергәләп ҡаршы алайыҡ, дуҫтар!
«Башҡортостандың мәҙәни донъяһы» порталы