Танылған башҡорт шағиры Самат Ғәбиҙуллиндың З. Биишева исемендәге “Китап” нәшриәтендә сыҡҡан “Йәнтөйәгем – тауҙарҙа” китабына мәктәп балалары өсөн ижад ителгән шиғырҙары тупланған. Әҙип замандаштарын тарихыбыҙға тоғро булырға, рухи тамырҙарҙы онотмаҫҡа өндәй.

Башҡортостандың атҡаҙанған мәҙәниәт хеҙмәткәре Самат Ғәби­ҙуллин 1939 йылда Бөрйән райо­нының Аҫҡар ауылында тыу­ған. Өфөләге 1-се башҡорт мәк­тәп-интернатын, БДУ-ның филология фа­куль­тетын тамамлаған. Хеҙмәт юлын Бүз­дәк районының Ҡаңны-Төркәй урта мәктә­бендә уҡытыусы булып башлай. Артабан журналис­тикаға күсә: Нуриман, Күгәрсен “районка”ларында, республиканың “Ленинсы” гә­зит­ендә эшләй.

Һуңғы ун алты йылда үҙ районының “Таң” гәзитендә бүлек мөдире, баш мөхәррир урынбаҫары вазифа­һын башҡара. Бер ваҡытта ла шиғриәт­тән айы­рыл­маған, ҡәләм­дәштә­ренә эскер­һеҙ ярҙам ҡулы һуҙған, үҙенең янын­да рәс­ми булмаған ижад мәктәбе булдырыуға өлгәшкән шағир – бик күп йәш авторға ла ҡанат ҡуйған шәхес.

1997 йылда донъя ҡуйған әҙиптең тыуған яғында уның исемендәге премия бул­ды­рылған, район үҙәгендәге урамдарҙың береһе Самат Ғәбиҙуллин исемен йөрөтә.