Башҡортостаныбыҙҙа гүзәл тәбиғәте һәм данлыҡлы ҡурайсылары менән дан алған Йылайыр районында Ишмулла Дилмөхәмәтов һәм Рөстәм Шәриповтарҙың яҡты иҫтәлегенә арналған ҡурай бәйгеһе үтә.

Конкурс Иҫке Яҡуп ауылының мәҙәниәт йортонда үтәсәк. Әлеге көндә Баймаҡ, Благовар, Ейәнсура, Йылайыр һәм Хәйбулла райондарынан ҡурайсылар бәйгелә ҡатнашыу теләген белдергән. Ҡатнашыусыларҙы Йылайырҙың данлыҡлы улы Азат Айытҡолов һәм Ишмулла Дилмөхәмәтовтың ейәне Риф Дилмөхәмәтов баһалаясаҡ.

Конкурстан тыш, конкурсанттар Ишмулла Дилмөхәмәтовтың музыйында бөйөк шәхестең тормош һәм ижад юлы менән яҡындан танышасаҡтар.