Мәхмүт НӘҘЕРШИН 25 йыл сәхнәлә!

Башҡортостандың атҡаҙанған артисы, “Каруанһарай” фольклор-эстрада төркөмө етәксеһе Мәхмүт Нәҙершин 25 йыллыҡ ижад юбилейын ҡаршылай. Шул айҡанлы тамашасыларҙы “Йырҙарым, йылдарым” исемле концертына саҡыра. 

Мәхмүт Нәҙершиндың исеме тамашасылар араһында киң билдәле. 

Ул таланттарға бай Учалы районы Нәүрүз ауылында донъяға килә. Сәнғәткә ғашиҡ егет профессиональ белемде Өфө дәүләт сәнғәт академияһында ала. Унда драматик театр һәм кино актеры һөнәрен үҙләштерә. Әммә йыр-моңға булған һөйөү үҙенекен итә. Бер төркөм курсташтары Рәсүл Ҡарабулатов, Әмир Тойғонов, Вилдан Яруллин, Артур Туҡтағолов менән легендар “Каруанһарай” төркөмө төҙөйҙәр. Мәхмүт Нәҙершин йырсы булараҡ тәүге аҙымдарын ошо төркөм солисы булараҡ яһай һәм бөгөнгө көндә “Каруанһарай”ҙы етәкләй. Шулай уҡ ул башҡорт халыҡ йырҙарын заманса эшкәртеү һәм күп тауышҡа ҡуйыуҙа ҙур уңышҡа өлгәшә. 

Мәхмүт Нәҙершин йырсы ғына түгел, ә күп йырҙар авторы ла. Ул ижад иткән “Ҡайҙа һеҙ башҡорт егеттәре”, “Мәк сәскәһе”, “Көҙгө мөхәббәт”, “Родной край Башкортостан” йырҙары “Каруанһарай” ҙың репертуарының төп өлөшөн тәшкил итә. 

Йырлы-моңло күркәм кисәгә рәхим итегеҙ, дуҫтар!