«Спутник 107 ҒM» радиоһы хеҙмәткәрҙәре, Алкино ҡасабаһында хеҙмәт итеүсе һалдаттарҙы ҡотлап, концерт ойошторҙо. Радионың иң сағыу алып барыусылары сараға популяр эстрада йондоҙҙарын да алып барғайны.

Йыр-моңдан тыш, йыһазландырылған радио десанты һалдаттарға бүләк менән килде. Кисә һәр һалдат өсөн онотолмаҫлыҡ сара булып ҡалыр, тип ышана ойоштороусылар. «Йылмай, һалдат!» тип исемләнгән байрам төрлө милләт вәкилдәрен берләштерҙе, концертта сығыш яһаусылар туған телендә йырланы. Бынан тыш, ғаилә ҡороп өлгөргән һалдаттарҙың байрамға тормош иптәштәре лә саҡырылғайны.

Сығанаҡ: Башҡортостан юлдаш телевидениеһы