23 июнь Өфө урамдарынан музыкаль автобус үтәсәк. Акцияны Hitster.fm. музыкаль порталы ойоштора. Өфө халҡының кәйефен күтәргебеҙ һәм көндәлек тормоштарына бер аҙ шатлыҡ өләшкебеҙ килә, ти улар.

Иртәнге 08.00 сәғәттә ҡуҙғалған автобус Телеүҙәк – Инорс маршруты буйынса киске 22.00 сәғәткә тиклем йөрөйәсәк. Әйткәндәй, юл хаҡы бушлай буласаҡ.

Музыкаль транспортта көнө буйына DJ Razta Joy, Руслан Север, Saliy, PaperCat кеүек Өфө диджейҙары юлаусыларға дәртле тректарын бүләк итәсәк. Юл хәрәкәте барышында төрлө конкурстар уйнатыласаҡ, төп приз – смартфон.