Йыл һайын Башҡортостанда, кешенең тәүге тапҡыр Йыһанға осоуына бағышлап, балаларҙың «Минең йыһан донъяһы» халыҡ-ара ижади эштәре конкурсы ойошторола. Ошо көндәрҙә сираттағы бәйгегә конкурс эштәрен ҡабул итеү башланды, сара 1 мартҡа тиклем дауам итәсәк.

Бәйге «Мәрхәмәт» хәйриә фондының попечителдәр советы рәйесе Гөлшат Хәмитова, ике тапҡыр Советтар Союзы Геройы, осоусы-космонавт, авиация генерал-полковнигы, Рәсәй Космонавтика федерацияһы президенты Владимир Коваленок, «Мәскәү Кремле» дәүләт тарих-мәҙәниәт музей-ҡурсаулығының генераль директоры Елена Гагаринаның ярҙамында үткәрелә. 

Ойоштороу комитетының адресы Өфө ҡала планетарийында урынлашҡан. Барлыҡ мәғлүмәт менән www.ufaplanetarium.ru сайтында танышырға мөмкин.

Сығанаҡ: «Башҡортостан»