21 мартта, Өфөнөң «Нефтсе» мәҙәниәт һарайында йәш йырсы, төбәк-ара конкурстар һәм фестивалдәр лауреаты, «Гәлсәр һандуғас» конкурсының ҡатнашыусыһы, Хөсәйен Әхмәтов исемендәге Башҡорт дәүләт филармонияһы солисы Ынйы Вәдүтованың концерты үтәсәк. 

Йырсының «Бәхет илендә» тигән концерт программаһы эстрадаға килеүенә ун йыл тулыуға бағышлана. Ынйы Вәдүтова репертуарындағы «Һиңә», «Бәхет илендә», «Алтын туй», «Йөрәктән булһа», «Төш», «Яҙ ҡабатлана», «Мөхәббәтем һиңә көс бирһен», «Ҡарағай» исемле үҙенсәлекле йырҙары эстрадала айырым урын биләй.

Тамашала йырсының ижадташ дуҫтары «Каруанһарай» фольклор-эстрада төркөмө, «Арғымаҡ» төркөмө, йырсы әхирәттәре Әлфиә Әхмәтйәнова, Нәркәс Сиражетдинова һ.б ҡатнаша.