15 декабрҙә баш ҡаланың «Конгресс-Холл» бинаһында «Йәшлек-шоу – 2012» республика йәштәр йыр-моң фестивале үтә.

Башҡорт халҡының иң сағыу сараларының береһе - йәштәрҙең йыр-моң фестивале "Йәшлек -шоу" Башҡортостан Республикаһының Башҡорт йәштәре иттифағы тарафынан 1993 йылдан алып уҙғарыла. Был сара йәштәрҙең хәтерендә иң күңелле тамаша булып, яҡты иҫтәлектәр ҡалдырған. Ысынлап та,үҙенең ике тиҫтәгә яҡын тарихы эсендә күпме таланттар асып йондоҙҙар ҡабыҙҙы! "Йәшлек-шоу"ҙың төп маҡсаты-йәш таланттарҙы сәхнәгә сығарып йондоҙ итеп балҡытыу һәм уларға киң офоҡтар асыу.

Башҡортостан Республикаһының Мәҙәниәт Министрлығы менән берлектә Республика халыҡ ижады үҙәге һәм Башҡорт йәштәре иттифағы был күркәм сараның ойоштороусылары булып тора. Хөрмәтле йәштәр, йылына бер тапҡыр ғына уҙғарылған йыр-моң фестивале - "Йәшлек-шоу"ҙан ситтә ҡалмағыҙ!