Башҡортостандың Шәйехзада Бабич исемендәге дәүләт йәштәр премияһына ғаризалар ҡабул итеү башланды. Республиканың Йәштәр сәйәсәте һәм спорт министрлығынан белдереүҙәренсә, материалдарҙы быйыл 1 июлгә тиклем тапшырырға мөмкин. 

Премияға 2013-2014 йылдарҙа донъя күргән эштәр дәғүә итә. Төп шарттарҙың береһе – әҙәби әҫәрҙәр матбуғатта баҫылырға, сәнғәт өлкәһендәгеләре халыҡҡа күрһәтелергә тейеш, ә архитектура объекттары файҙаланыуға тапшырылғандан һуң ғына премияға тәҡдим ителә ала. Ижади коллективтарҙан документтар ҡабул ителгәндә, бүләккә дәғүәселәр һаны 16-35 йәштәрҙәге 5 кешенән артмаҫҡа тейеш. Премия күләме быйыл 150 мең һумға етә.