Яңыртылған «Нефтсе» Мәҙәниәт һарайы быйылғы йылдың көҙөндә тамашасыларҙы ҡабул итә башлаясаҡ. Уның эске йыһазы ғына түгел, исеме лә үҙгәртелде – хәҙер «Башҡортостан» дәүләт концерт залы булып яңғырай. Бина бөгөнгө заман шарттарына тулыһынса яуап бирә.

Концерт залын асыу тантанаһы барышына 3 концерттан торған киң масштаблы проект ҡаралған: донъя йондоҙҙары ҡуйған коцерт, залды презентациялау һәм башҡорт эстрадаһы йырсылары башҡарыуында концерт.

Тамаша залы рәттәр буйлап өҫтәмә үтеү юлдары менән амфитеатрҙы хәтерләтәсәк. Түбә һәм стеналарҙың заманса йөҙлөгө акустиканың яҡшыртылыуына булышлыҡ итә. Тимәк, симфоник һәм эстрада концерттары, төрлө шоу программалырын уҙғарғанда техник ҡоролмалар ярҙамы кәрәкмәйәсәк.