Калининград өлкә театрында башҡорт драматургы Флорид Бүләковтың «Әбейҙәргә ни етмәй» пьесаһы буйынса ҡуйылған спектаклдең премьераһы булды. Уны Санкт-Петербург режиссеры Олег Куртнаидзе ҡуйған. Постановка бик күп бейеүҙәр һәм музыка менән биҙәлгән. Унда Калининград тамашасылары яратып өлгөргән актерҙар — Наталья Высоцкая, Тамара Грузец, Людмила Козлова, Галина Лукина һәм Василий Швечков башҡарыуында «Битлз», Ваенга һәм Игорь Тальковтың йырҙары яңғырай. Әйтергә кәрәк, был пьесаның үҙенсәлекле ҡуйылышы тамашасылар күңеленә хуш килгән.

Сығанаҡ: «Юлдаш» радиоһы