27 август – Рәсәй киноһы көнө. Быға тиклем ике йыл рәттән был байрам көнөндә Башҡорт киноһы төнө уҙғарылғайны. Быйылғы кино көнө элеккеләренән айырыласаҡ: башҡорт киноһы тарихында тәүге тапҡыр бер юлы биш фильмдың исем туйы үтәсәк. Фильмдар төрлө жанрҙа, уларҙы «Башҡортостан» киностудияһында төшөрөлөүе берләштерә. Режиссерҙар Вилүрә Иҫәндәүләтова, Таңсулпан Бураҡаева, Роман Пожидаев, Рим Шәрәфетдинов тамашасы хөкөмөнә яңы картиналарын тәҡдим итәсәк.