Башҡортостанда балалар һәм үҫмерҙәр өсөн төп газета - "Йәншишмә"нең тәүге һаны 85 йыл элек сыға. Ул башта "Йәш төҙөүсе" исемен йөрөтә, совет йылдарында "Башҡортостан пионеры", туҡһанынсы йылдарҙан һуң әлеге атамаһы - "Урал батыр" эпосындағы тереһыу сығанағы - "Йәншишмә" исеме аҫтында сыға.

Бөгөнгө барлыҡ яҙыусылар, журналистар өсөн тиерлек тәүге ижад майҙаны булып тора. Газетаның баш мөхәррире Мирсәйет Юнысов:

- Ил буйынса балалар өсөн баҫмалар ябылған осорҙа, беҙҙең "Йәншишмә" республика хөкүмәте тарафынан яҡлау табып, донъя күреп килә, - тип белдерҙе.