23 апрель 12.00 сәғәттә З.Биишева исемендәге «Китап» нәшриәтендә Бөтә донъя китап һәм авторлыҡ хоҡуғы көнөнә арналған «Автограф көнө» үтәсәк.

Нәшриәттә хәбәр итеүҙәренсә, сарала «Ҡурай», «Сәк-сәк менән Бауырһаҡ нисек итеп тәмле бешерергә өйрәнгәндәр», «Балалар әҙәбиәте антологияһы», кеүек балаларға арналған китаптарҙың исем туйы үтәсәк. Унда шағирәләр Факиһа Туғыҙбаева, Фәрзәнә Ғөбәйҙуллина, Алһыу Хамматова, Рәшиҙә Бик, Әлфиә Әсәҙуллина ҡатнаша.

Китап байрамында һәр теләгән кеше ҡатнаша ала.