25–28 апрель З.Биишева исемендәге «Китап» башҡорт нәшриәт йорто Башҡортостандың көньяҡ-көнсығыш райондары буйлап яҙғы автоуҙыш ойоштора. Сараның маҡсаты – башҡорт әҙәбиәтен популярлаштырыу. Автоуҙыш сиктәрендә, «Китап» хеҙмәткәрҙәре Баймаҡ һәм Бөрйән райондарына юлланасаҡ. Район халҡына нәшриәттә сыҡҡан төрлө китаптар тәҡдим ителәсәк, мәҫәлән: билдәле балетмейстр Фәйзи Ғәскәров хаҡында, балалар өсөн «Күмәс өй» китабы, хужабикәләр өсөн «Традицион һәм заманса башҡорт аш-һыуы» һәм башҡалар.

Күргәҙмә 25 апрель 10.00-18.00 сәғәттәрҙә Иҫке Собханғол ауылының баҙарында, ә 26 апрель район мәҙәниәт йортоноң фойеһында эшләйәсәк.

Баймаҡта күргәҙмә 27 апрель «Баймаҡ» сауҙа комплексында, 28 апрель үҙәк баҙарҙа ойоштороласаҡ.