Конкурста муниципаль берәмектәрҙең мәҙәниәт бүлектәре, юғары һәм урта махсус уҡыу йорттары тәҡдиме менән үҙешмәкәр һәм профессиональ артисттар, һүҙ оҫталары ҡатнашасаҡ.

Һәр ҡатнашыусы теләһә ҡайһы авторҙың ике әҫәрен башҡара, уларҙың береһе 1812 йылғы Ватан һуғышы ваҡиғалары йәки геройҙары тураһында булырға тейеш. Шиғыр, фельетон, монолог, эстрада хикәйәһе, әҙәби эстрада, интермедия, сәхнә күренеше, пантомима һәм башҡа төрҙәге әҫәрҙәр башҡарырға мөмкин.

Конкурс программаһында педагогтар һәм режиссерҙар Олег Ханов, Гөлли Мөбәрәкова, Юнир Салауатов, Александр Кузьменко, конкурс етәкселәре ҡатнашлығында сәхнә телмәре буйынса оҫталыҡ дәрестәре, эстрада-һөйләм жанрын үҫтереү һәм һаклап ҡалыу мәсьәләләре буйынса “түңәрәк өҫтәл” үткәреү планлаштырылған.

Конкурс йомғаҡтары буйынса еңеүселәргә Гран-при, 1-се, 2-се, 3-сө урындар бирелә, лауреат дипломдары, төрлө номинацияларҙа махсус бүләктәр һәм ҡатнашҡан өсөн дипломдар тапшырыла.

Республика конкурсында ҡатнашыусылар өсөн Салауат ҡалаһы буйлап экскурсия ойошторола.

Белешмәләр өсөн телефондар: (347) 289-65-50, 8-937-16-16-511.