8 июль «Башҡортостан» дәүләт концерт залында «Кремль балеты» театрының гала-концерты үтә. 

Театрҙың художество етәксеһе һәм баш балетмейстры – Рәсәйҙең халыҡ артисы, профессор Андрей Петров. Мәскәү артистары Өфө тамашасаһына «Шопениана» һәм «Дивертисмент» балетын күрһәтәсәктәр.

Ижади усаҡ 1990 йылда иледең төп театраль-концерт залы – Дәүләт Кремль Һарайында барлыҡҡа килгән һәм бөгөнгө көндә уның репертуарында донъя хореографияһы мираҫының иң яҡшы өлгөләре – «Аҡҡош күле», «Жизель», «Корсар», «Ромео һәм Джульетта», «Руслан һәм Людмила», «Меңдә бер төн» һәм башҡалар. Театр гастролдәр менән 30 ашыу сит илдәрҙә булған.

Солистар:

Наталья Балахничева, Рәсәйҙең халыҡ артисы.

Александра Тимофеева, Рәсәйҙең атҡаҙанған артисы.

Михаил Мартынюк, Рәсәйҙең атҡаҙанған артисы.

Ирина Аблицова, Бөтә Рәсәй конкурстары лауреаты.

Алиса Асланова, Халыҡ-ара конкурстар лауреаты.

Жанна Губанова, Халыҡ-ара конкурстар лауреаты һәм башҡалар.