Башҡортостан Республикаһының Салауат Юлаев исемендәге Дәүләт премияһы лауреаты, күренекле шағир Хәсән Назарға ошо көндәрҙә 70 йәш тулды. Ул 1942 йылдың 15 ғинуарында Ейәнсура районы Таулыҡай ауылында тыуған. Ете йыллыҡ мәктәпте тамамлағандан һуң, колхозда эшләй, әрмелә хеҙмәт итеп ҡайта һәм хеҙмәт юлын журналистика өлкәһендә дауам итә. Мәскәүҙә Горький исемендәге Әҙәбиәт институтын тамамлаған. Хәсән Назарҙың тәүге шиғри йыйынтығы 1971 йылда донъя күрә. «Асманға ашыу» китабы өсөн әҙипкә Салауат Юлаев исемендәге дәүләт премияһы бирелә. Хәсән Назар шулай уҡ мәҡәләләр, эссе һәм рецензиялар менән дә сығыш яһай, тәржемә эше менән дә уңышлы шөғөлләнә. Башҡорт шиғриәтенә үҙенсәлекле моң өҫтәгән, күптәргә остаз булған арҙаҡлы шағирыбыҙға оло юбилейы айҡанлы изге теләктәребеҙҙе еткерәбеҙ, ижад ҡомары һүрелмәүен теләйбеҙ. 

«Башҡортостандың мәҙәни донъяһы» порталы