Төп саралар район үҙәге Ермолаевкала, әйткәндәй унда Кинйә Арыҫлановҡа һәйкәл ҡуйылған, һәм батыр нигеҙ һалған Кинйәабыҙ ауылында үтте.

Был көндө Көйөргәҙе районында байрам күтәренкелеге тантана итте, яҡташтары батырын шулай хөрмәтләне. Байрамға Күмертау, Салауат ҡалаларынан, Ейәнсура, Көйөргәҙе, Мәләүез, Стәрлетамаҡ, Стәрлебаш райондарынан килгән ҡурайсылар йәм өҫтәне.

Кинйәабыҙ ауылында ауыл халҡы, килгән ҡунаҡтар арҙаҡлы шәхесебеҙгә арналған музей менән яҡындан танышты, ә инде Крәҫтиәндәр һуғышын сәхнәләштереү тамаша ҡылыусылар күңелендә тәрән эҙ ҡалдырҙы.