Сара был шәмбе Рига ҡалаһында үтәсәк. Осрашыу Бөйөк Еңеүҙең 70 йыллығына арнала, кисәгә килеүселәр һуғышта ҡатнашҡан атай-олатайҙарын, яҡындарын иҫкә аласаҡ. Латвияла 3 мең самаһы башҡорт һәм татар йәшәй. Улар өсөн бындай осрашыуҙар ҙур әһәмиәткә эйә, тип белдерә ойоштороусылар. Программала шулай уҡ туған телдәрҙә шиғырҙар һөйләү, йырҙар башҡарыу, Башҡортостанда һәм Татарстанда төшөрөлгән фильмдар күрһәтеү, төрлө конкурстар ҡаралған.