Өфөнөң Ленин майҙанында 2015 йылдың ғинуарынан сәғәт циферблаттарын хәтерләткән фонтан төҙөләсәк.

Генераль подрядсыны һайлау буйынса конкурс документацияһын дәүләт һатып алыуҙары сайтында табырға мөмкин. Проекттың заказсыһы - Өфө хакимиәтенең Коммуналь хужалыҡ һәм төҙөкләндереү идаралығы. 55 миллион һумлыҡ проект ҡала бюджетынан финанслана. Күҙаллауҙар буйынса, фонтандың майҙаны 338 квадрат метрҙы биләйәсәк. Төҙөүселәр биш йылға гарантия бирергә тейеш. Генераль подрядсыны билдәләү буйынса аукцион 14 июлдә үтә. Төҙөлөштө 2015 йылдың 31 ғинуарына тамамлау күҙаллана.