Был китап халҡыбыҙҙың арҙаҡлы дин әһелдәре ─ ишандар, әүлиәләр хаҡында. Әүлиәләр ─ Аллаһтың дуҫтары, халҡыбыҙҙы хаҡ юлдан әйҙәүселәр. Улар, Нәҡшбәндиә тәриҡәте суфыйҙары, вазифаларын тулыһынса үтәп, Аллаһҡа яҡынайғандар, сер ғилеменә эйә изге заттар. Рухтары ҡалдырған изге доғалары бөгөн дә Ер шарын афәт һәм ғәрәсәттәрҙән ҡурсалай. Баҫманың йөкмәткеһе Ғабдулла Сәйеди, Мөжәүир хәҙрәт, Табын әүлиәһе, Әбйәлил ишан һәм Шәмсетдин хажи тураһында яҙылған бүлектәрҙән тора. Йыйынтыҡҡа ингән изгеләр үҙ ваҡытында мәҙрәсәләр тотоп, ғилем таратҡандар, табиплыҡ иткәндәр, халҡыбыҙҙың рухи етәкселәре булғандар.

Китап рухи камиллыҡҡа ынтылыусы киң ҡатлам уҡысыларға тәғәйенләнә һәм "Китап" нәшриәтенең фирма магазиндарында һатыуға сығарылған.